राष्ट्रिय सभागृहमा प्रचण्डमाथि जुत्ता प्रहार गर्ने पक्राउ

काठमान्डौ-सत्तारुढ दल नेकपाका अध्यक्ष पुष्पकमल दाहाल ‘प्रचण्ड’ माथि जुत्ता प्रहार भएको छ। भरतमोहन अधिकारी स्मृति फाउन्डेसन ,नेपालद्वारा राष्ट्रिय सभागृहमा आयोजित ‘भरतमोहन अधिकारी प्रथम स्मृति सभामा संवोधन गरेर आसनमा फर्कने क्रममा ‘प्रचण्ड’ माथि जुत्ता प्रहार भएको हो।

यद्दपी प्रहार गरेको जुत्ता प्रचण्डलाई लागेको थिएन। हानिएको जुत्ता मञ्‍चमा पुगिनसक्दै प्रहार गर्ने ती व्यक्तिलाई प्रहरीले पक्राउ गरेको छ। प्रहरीका अनुसार जुम्ला सिन्जा गाउँपालिका-२ का रतन तिरुवाले प्रचण्डमाथि जुत्ता प्रहार गरेका हुन्।

पछिल्ला दिनमा नेकपामा ओली पक्ष र प्रचण्डपक्षबीच विवाद चुलिंदा नेकपाका कार्यकर्ता नै नेतृत्वसँग रुष्ट हुँदै आउका छन्। प्रचण्डमाथि पनि नेकपा कार्यकर्ताबाटै जुत्ता प्रहार भएको बताईएको छ।

प्रहरीले जुत्ता प्रहार गर्ने व्याक्तिकाबारे अनुसन्धान भईरहेको जनाएको छ।