लगानीको अवसर , एनआइबीएल प्रगति फन्डको बिक्री खुला

काठमाडौं – एनआइबीएल प्रगति फन्डको बिहीबारदेखि बिक्री खुला भएको छ । एनआइबीएलले ६ करोड म्युचुअल फन्डका नयाँ इकाई बजारमा ल्याएको हो । कुल ६ करोड इकाईमध्ये सर्वसाधारणले पाँच करोड १० लाख कित्ता पाउनेछन् ।

एनआइबीएल प्रगति फन्ड नाममा सञ्चालन गर्न लागिएको यो म्युचुअल फन्डमा मंसिर २० सम्म आवेदन दिइसक्नुपर्ने छ ।

मंसिर २० भित्र पनि आवश्यकता अनुसार आवेदन नपरेमा चाहिँ मंसिर ३० सम्म समय बढाउन सकिने व्यवस्था गरिएको छ । न्यूनत एक सय इकाई र अधिकतम ६० लाख इकाईसम्म आवेदन दिन पाइनेछ ।

प्रतिइकाई मूल्य १० रूपैयाँ कायम गरिएको छ । ६ करोड इकाईमध्ये १० लाख इकाई योजना व्यवस्थापक एनआइबीएल क्यापिटल मार्केट्स लिमिटेड र ८० लाख इकाई कोष प्रवद्र्धक नेपालल इन्भेस्टमेन्ट बैंकले पाउनेछ । बाँकी पाँच करोड १० लाख इकाई सर्वसाधरणलाई बिक्री गर्न लागिएको हो ।

लगानीकर्ताले एनआइबीएल क्यापिटल लिमिटेड लाजिम्पाट तथा नेपाल इन्भेस्टभेन्ट बैंकका अधिकांश शाखा कार्यालयमा आवेदन फारम लिन र बुझाउन सक्नेछन् ।