मुख्यमन्त्री शेरधन राईलाई पति दाबी गर्दै काठमाडौं जिल्ला अदालतमा मुद्दा दर्ता

काठमाण्डौ-सत्तारुढ दल नेपाल कम्युनिस्ट पार्टी (नेकपा) का प्रदेश नम्बर १ का मुख्यमन्त्री शेरधन राई आफ्नो पति भएको भन्दै दोलखाकी बालिका खड्काले अंश मुद्दा दायर गरेकी छिन्।

उनले काठमाडौं जिल्ला अदालतमा ‘नाता कायम गरि अंश दिलाई पाऊँ’ भनि मुद्दा दायर गरेका हुन्। काठमाडौं जिल्ला अदालतका श्रेस्तेदार आनन्द प्रसाद श्रेष्ठका अनुसार आज दिउँसो बालिका खड्का (राई) नाम गरेकी महिलाले राईविरुद्ध मुद्दा दायर गरेकी हुन्।

खड्काले दायर गरेको मुद्दामा मुख्यमन्त्री राईले आफूलाईशारीरिक यातना दिएको तथा यौन दुर्व्यवहार गरी घरेलु हिंसा गरेको आरोप लगाएकी छिन्। साथै आफू राईसँग ७१ सालदेखि सँगै रहेको बताएकी छिन्।

खड्काले आफूलाई सञ्चार मन्त्री भएका बखत राईले राजधानीको गोल्फुटारमा कोठा लिई राखेको उल्लेख गरेकी छिन्। खड्काले राईले आफूसँग विवाह गरेको र पछि घरेलु हिंसा गर्ने गरेको पनि उजुरीमा उल्लेख गरेकी छन्। उनले मुलुकी फौजदारी संहिताको दफा २१५ बमोजिम आफूलाई अंशबण्डा गरिनुपर्ने मागदाबी गरेकी छिन्।