दिल्ली हिंसाः मृत्यु हुनेको संख्या २७ पुग्यो, गुहमन्त्रीको राजीनामा माग

एजेन्सी – भारतको नयाँ दिल्लीमा भएको हिंसामा परि मृत्यु हुनेको संख्या २७ जना पुगेको छ । घटनाका क्रममा सयौं घाईते भएका भारतीय संचारमाध्यमले जनाएका छन् ।
घाइतेहरुको दिल्लीस्थित विभिन्न अस्पतालमा उपचार भइरहेको छ ।

बुधबार मात्रै प्रदर्शनकारीमाथि भएको सुरक्षाकर्मीको दमनमा ६० जना भन्दा बढीलाई गोली लागेको थियो ।

प्रहरी र अर्ध सैनिक बलले गस्ती बढाएपनि सरकारको विरोधमा प्रदर्शन भैरहेका छन् ।

जारी हिंसा नियन्त्रण गर्न असफल भएको भन्दै विपक्षी दलहरुले सरकारको आलोचना गरेका छन् ।
प्रधानमन्त्री मोदी सन् २००० मा गुजरातको मुख्यमन्त्री रहँदा मुस्लिम समुदायको बाहुल्य रहेका स्थानमा भएको धार्मिक दंगा नियन्त्रण गर्न नसक्दा एक हजार भन्दा बढीको मृत्यु भएको थियो ।