ललितपुरबासीले जलाए मेयर चिरीबाबुको पुत्ला

ललितपुर – विद्यालयको जग्गा मिचेर सडक विस्तार गरिएको विरोध गर्दै ललितपुरबासीले मेयर चिरीबाबु महर्जनको पुत्ला दहन गरेका छन् । मेयर महर्जनले सर्वोच्च अदालतको आदेशको अवज्ञा गरेको स्थानीयको आरोप छ ।

ललितपुर महानगरपालिका–३, पुल्चोकमा रहेको मदन स्मारक माध्यमिक विद्यालयको जग्गा मिचेर सडक विस्तार गरिएको विरोधमा उनीहरुले मेयरकाठे पुत्ला जलाएका हुन् ।

सर्वोच्च अदालतले जेठ १ गते अन्तरिम आदेश जारी गरेको तर महानगरपालिकाले सर्वोच्चलाई पनि च्यालेन्ज दिएर जबर्जस्ती बनाउनु भनेको कानुनको धज्जी उडाउनु रहेको स्थानीय कदम लालले बताए ।