जापानमा भेटियो अनौठो मुला-महिलाले केश बाटे जस्तै

टोकियो- जापानको नारास्थित एक किसान आफ्नो बारीमा लगाएको मुला खेतिको मुला उखेल्दा छक्क परेका छन् ।

उनी छक्क पर्नुको कारण उनको बारीमा फलेको अचम्मको मुला । मुला मुला जस्तो नभई केटिहरुले बाट्ने कपाल जस्तो थियो ।

६२ बर्षीय सिगेरु देगाकी उक्त स्थानका किसान हुन जो अचारमा प्रयोग हुने कृषि जन्य उत्पादन गर्दछन् । सोही क्रममा जव उनले उक्त मुला भेटे, उनले त्यसलाई अचार नबनाई त्यसै राखेका छन् ।

उनले अगाडी भनेका छन्- ‘म यसको विशेष बनावटका कारण यसलाई अचार बनाउन सक्दिन तर अब केही समय यसको विषेश उपस्थितिलाई अवलोकन गरेर आनन्द लिन्छु र पछि यसलाई सिमर्ड डिसको रुपमा खान प्रयोग गर्छु ।’