कोरियामा कोरोना प्रभाव-सामसुङ एस २० र जेड फोल्ड उत्पादनमा असर

सोल-उत्तरी ग्यङसाङसाङ प्रान्त स्थित गुमी शअरमा अवस्थित सामसुङ इलेक्ट्रोनिक्सको उत्पादमा समेत प्रभाव पर्न थालेको छ । कम्पनिले विदाका दिनहरु भरि आफ्ना उत्पादनहरु बन्द गरेको कम्पनिका एक प्रतिनिधिले जानकारी दिएका छन् ।

सोलबाट करिव २०२ कि मि दक्षिणमा रहेको उक्त कम्पनिमा प्रिमियम स्मार्ट फोनहरु निर्माण हुने गरेका छन् ।

शनिवार विहान उक्त कम्पनिमा काम गर्ने करिव २० बर्षिया एक युवतीमा कोरोना संक्रमण पाईए पश्चात आफ्ना सम्पुर्ण कामदारहरुलाई एक सुचना पठाइ कम्पनि सोमवार सम्मका लागि बन्द गरिएको जानकारी गराएको हो ।

किटनाशक औषधिको प्रयोग पश्चात मंगलवार बाट पुन: काम सुरु हुने कम्पनि प्रतिनिधिले जनाएका छन् ।

मार्च ६ तारिखमा सार्वजनिक गरिने एस २० तथा गत फेब्रुअरी १४ तारिखमा सार्वजनिक गरिएको ग्यालेक्सी जेड फ्लिप समेत गुमी मै बन्दछन् ।

यो शहरमा स्थानीय स्तरमा खपत हुने सबै स्मार्टफोनहरु बन्दछन् भने विश्व बजारमा खपत हुने करिव ९० स्मार्टफोनहरु भने भियतनाममा बनाईन्छन् ।

कोरोना संक्रमणका कारण बन्द गरिएको फ्याक्ट्रीका कारण तत्काल ठूलो असर नपर्ने तर यदि संक्रमण फैलिएमा भने ठूलै समस्या पर्ने कम्पनि प्रतिनिधिले बताएका छन् र उनले हाल सम्म सामान निर्यातमा कुनै समस्या नरहेको पनि जानकारी गराएका छन् ।