कोरियनहरु अवकासपछि पनि काम गर्न चाहान्छन्

सोल-हालै गरिएको एक विद्युतीय मत सर्वेक्षण अनुसार अवकास प्राप्त कोरियनहरुमा पुन: काममा फर्कने चाहाना बढी मात्रामा पाइएको छ ।

क्रेडिट स्वीस अनुसन्धान ईन्स्टिच्युट ले हालै १६ देशका करिव १ हजार जना मानिसहरुमा गरेको एक सर्वेक्षणा अनुसार कोरियाका करिव ६३ प्रतिशत अवकास प्राप्त मानिसहरुले अवकास पछि पनि पुन: काम गर्ने इच्छा देखाएको पाइएको हो ।

अवकास पछिको जीवनमा आइपर्ने आर्थिक समस्याहरु सँग जुध्नका लागि उनीहरु काममा फर्कन चाहेको अध्ययनले देखाएको छ ।

सोही अध्ययनले भारतमा ७५ प्रतिशत , इन्डोनेसियामा ६५ प्रतिशत , क्यानडामा २५ प्रतिशत स्विजर्ल्याण्डमा २८ प्रतिशत तथा सबै भन्दा कम जर्मनीमा १८ प्रतिशत मानिसहरुले अवकास पछि पनि काम गर्ने ईच्छा देखाएको जनाएको छ ।

यसको कारण देशहरुमा हुने कडा अवकास निति तथा अपर्याप्त अवकास सुविधा आदि रहेका छन् ।