नेकपाले एमसीसी सम्झौता संसदबाट अनुमोदन नगर्न सुझाव

काठमाण्डौ-एमसीसी सम्झौता नसच्याई संसदबाट अनुमोदन नगर्न पार्टी नेतृत्वलाई नेकपाले बनाएको कार्यदलले सुझाव दिएको छ।

पार्टी अध्यक्ष केपी शर्मा ओली र पुष्पकमल दाहाल प्रचण्डलाई बालुवाटारमा भेटेर कार्यदलले सुझाव सहितको प्रतिवेदन बुझाएको हो ।

पार्टीको गत माघ १५ देखि १९ गते सञ्चालन भएको केन्द्रीय कमिटी बैठकले एमसीसी सम्झौताबारे अध्ययन गर्न वरिष्ठ नेता खनालको संयोजकत्वमा स्थायी कमिटीका सदस्य रावल र परराष्ट्रमन्त्री प्रदीपकुमार ज्ञवाली रहेको कार्यदल गठन गरेको थियो।

१० दिनको समयसीमा तोकेर प्रतिवेदन बुझाउने निर्णय गरे पनि कार्यदलले उक्त समयसिमामा प्रतिवेदन बुझाउन नसकिने जनाएपछि थप १० दिन म्याद थप गरेको थियो।

कार्यदलको गत माघ २९ गते नै कार्यदलको समय सकिएको थियो। पछि नेकपाले थप १० दिनको समय थपेको थियो।