खरिपाटी क्वारेन्टाइनमा राखिएका नेपालीहरुमा कोरोनाको सङ्क्रमण नभएको पुष्टि

भक्तपुर-चीनबाट उद्धार गरेर भक्तपुरको खरिपाटीमा क्वारेन्टाइन अर्थात् डाक्टरको निगरानीमा राखिएका नेपालीहरुमा कोरोनाको सङ्क्रमण नभएको पुष्टि भएको छ।

नमुना परीक्षण गरिएका सबै नेपालीमा काेराेनाकाे सङ्क्रमण नभएको पाइएको हो। दिउँसो १ बजे पत्रकार सम्मेलन गरेर नमुना परीक्षणसम्बन्धी विस्तृत विवरण सार्वजनिक गरिने स्वास्थ्य तथा जनसङ्ख्या मन्त्रालयका प्रवक्ता महेन्द्रप्रसाद श्रेष्ठले जानकारी दिएका छन्।

क्वारेन्टाइनमा एक सय ३५ जना पुरुष र ४० जना महिला गरी एक सय ७५ जना रहेका छन्।