कोरोना त्रास – चिनियाँ शहरहरुमा रोवर्टले सामान ओसारपसार गर्छ

काठमाण्डौ-प्रविधिको उच्चतम प्रयोग गर्दा मानव जिवन धेरै सहज बन्न थालेको छ । प्रविधि विकासले फड्को मारे सँगै मानिसले आफुलाई विलासी बनाउन कुनै न कुनै नयाँ आविष्कार गरिरहेको हुन्छ । यो विषयमा चीन अन्य देशहरु भन्दा एकदमै अगाडी छ । हाल चीनले अत्यावश्यक क्षेत्रदेखि मालसामान ओसारपसार गराउन समेत विद्युतीय आर्टीफिसियल ईन्टेलिजेन्स भएका रोवर्टहरुको प्रयोग गर्न थालेको छ ।

चीनको एक प्रतिष्ठीत रिटेल कम्पनी सुनिङ डट कमले हाल डेलिभरी मेनलाई हटाएर डेलिभरी रोवर्टहरु प्रयोगमा ल्याउन थालेको छ । जियांशु प्रान्तको नान्जिङ शहरमा उक्त रोवर्टको प्रयोग हाल सफल हुदै गएक‍ो कम्पनिले बताएको छ ।

कोरोना भाईरसको संक्रमण पश्चात धेरै घरहरुमा डेलिभरी मेनहरुलाई प्रवेश निषेध गर्ने गरेको बर्तमान स्थितिमा यो रोवर्ट सहि सावित भईरहेको कम्पनिले बताएको छ ।

कम्पनिका अनुसार उक्त रोवर्ट १.२५ मिटर अग्लो छ जसले १ सय ४५ लिटरसम्मको वजन उठाउन सक्छ । यसले करिव १० घण्टा निरन्तर काम गर्छ, बाटामा आउने समस्यासँग जुधेर बाटो पत्ता लगाई गन्तब्यमा पुग्ने तथा सामान बुझाएर आफ्नो गन्तब्यमा फर्कने गर्दछ ।

यसका अलावा चार्ज कम भएको अवस्थामा चार्जिङ सेन्टर भन्दा करिव ५३ मिलिमिटरको दुरीमा आफुलाई उभ्याउन सक्दछ ।

यसमा भण्डारण गरिएका असिमित डाटाहरुको साथ यसले गर्ने गरेको आफ्नो प्रस्तुतिकरण अकल्पनिय रहेको कम्पनिका एक प्रतिनिधिले बताएका छन् ।