पूर्व सभामुख महराको अन्तिम सुनुवाई,आजै फैसला हुने सम्भावना

काठमाण्डौ-यौन दुव्र्यवहारको आरोप लागेका पूर्व सभामुख कृष्णबहादुर महराको मुद्दामा आज अन्तिम सुनुवाई भैरहेको छ ।

महराको मुद्दामा काठमाडौं जिल्ला अदालतका न्यायाधीश अम्मरराज पौडेलको इजलासमा सुनुवाइ भइरहेको हो ।

अहिले मुद्दामा बहस चलिरहेको र बहस सकिएपछि अन्तिम फैसला हुने काठमाडौं जिल्ला अदालतका सुचना अधिकारी ज्ञानबहादुर कार्कीले उज्यालोलाई जानकारी दिए ।

संसद सचिवालयमा कार्यरत एक महिला कर्मचारीमाथि यौन दुव्र्यवहार गरेको अभियोगमा महरा पुर्पक्षका लागि डिल्लिबजार कारागारमा छन् ।

अरू कुनै कुरा झिकाउने आदेश नभए आजै फैसला हुने सम्भावना रहेको जिल्ला अदालत काठमाडौंका स्रेस्तेदार आनन्दराज श्रेष्ठले बताउनुभयो ।

महराले यसअघि आफूलाई जेल पठाउने जिल्ला अदालत काठमाडौंको फैसलाविरूद्ध पाटन उच्च अदालतमा निवेदन दिएका थिए ।

उच्च अदालतले भने जिल्ला अदालतको फैसलालाई सदर गर्दै एक महिनाभित्र मुद्दाको टुंगो लगाउन आदेश दिएको थियो ।