‘ठूलो माछा समाउ’ भन्दै नारा लाउने ३० जना पक्राउ

काठमाडौं-अख्तियार दुरूपयोग अनुसन्धान आयोगबाहिर अख्तियारलाई सघाउने र भष्टाचारको विरोध गर्ने उद्देश्यले विवेकशील साझा पार्टीले आयोजना गरेको विरोध प्रदर्शनमा भए प्रहरीले धरपकड गरेको छ ।

‘अख्तियार: सानो माछामात्र होइन, ठूलो पनि समाउ’ भन्दै सांकेतिकरूपमा ठूलो माछा बनाएर प्रदर्शन गर्नेहरूमध्ये पार्टीका ३० जनाभन्दा बढी प्रदर्शनकारीहरूलाई प्रहरीले पक्राउ गरेको हो ।

प्रतिकात्मक माछामा वाइडबडी काण्ड, सुन काण्ड, एनसेल काण्ड, फोरजी काण्ड, स्वीस काण्ड आदि लेखिएको थियो।
बिरोधको आयोजना गर्ने विवेकशील साझा पार्टीले धरपकडको भ्रत्सना गरेको छ ।

पक्राउ पर्नेमा पार्टीकी प्रदेश ३ संयोजक समिक्षा बास्कोटा, केन्द्रीय सदस्य मानवी पौडेल, काठमाडौं जिल्ला संयोजक अनुपा श्रेष्ठ,ललितपुर जिल्ला संयोजक उज्वलकृष्ण श्रेष्ठ लगायतका कार्यकर्ता  छन्।

उनीहरूलाई तुरून्तै रिहा गर्न पनि विवेकशील साझा पार्टीले माग गरेको छ ।