नेपाल ल्याइएका १७५ जनामै कुनै संक्रमण देखिएन, सबैलाई खरिपाटी क्वारेन्टाईन पुर्याईयो

काठमाण्डौ – चीनको वुहान शहरबाट ल्याइएका एक सय ७५ जनालाई कुनै पनि संक्रमण नरहेको पुष्टी भएको छ ।
विहान ४ बजे त्रिभुवन अन्तर्राष्ट्रिय विमानस्थल ल्याईएका उनीहरुलाई कुनै संक्रमण नभएको पाईएपछि भक्तपुर खरिपाटीमा बनाइएको क्वारेन्टाइनमा पुर्‍याइएको छ ।

उनीहरुलाई एउटा एम्बुलेन्स र पाँच वटा ठूलो बसमा सुरक्षाकर्मीले स्कटिङ गरेर विमानस्थलदेखि भक्तपुरको खरिपाटीमा रहेको नेपाल विद्युत् प्राधिकरणमा बनाइएको क्वारेन्टाइनमा पुर्‍याइएको हो ।

क्वारेन्टाइन लैजानुअघि विमानस्थलमा अवतरण भएपछि उनीहरुको स्वास्थ्य अवस्था जाँचिएको थियो ।

आवेदन दिएका एक सय ८५ मध्ये ६ जनाको स्वास्थ्यमा समस्या आएपछि उनीहरु चीनमै रोकिएका छन् भने चार जनाले नेपाल फर्कन अस्वीकार गरेका चीनमा रहेको नेपाली दूतावासले जनाएको छ ।