कोरोना भाइरस नियन्त्रणका लागी आयुर्वेदिक औषधी प्रभावकारी

काठमाडौं-हुवेइ प्रान्तबाट फैलिएको कोरोना भाइरस कोभिड १९ को रोकथामका लागि चिनिया सरकारले चीनको पुरानो पद्धतीको आयुर्वेदिक औषधि तथा पश्चिमी आधुनिक औषधि दुबैको प्रयोग गरिरहेको चीनको राष्ट्रिय स्वास्थ्य आयोगका एक अधिकारीले जानकारी दिएका छन् ।

कोरोना भाइरसको संक्रमणको सुरुवात ताकाबाट नै चीनियाँ पुरानो पद्धतीको आयुर्वेदिक औषधी तथा आधुनिक औषधी दुबैको प्रयोग गरेर विरामीहरुको उपचार गर्दै आएको छ । यसका लागि अत्यन्तै तगडा अनुसन्धानकर्ताहरुको टोली परिचालन गरिएको पनि उक्त आयोगका अधिकारीले बताएका छन् ।

चीनियाँ पुरानो पद्धतीको आयुर्वेदिक औषधीसँग सम्बन्धित अध्ययन हुने विश्वविद्यालयहरुबाट २२ सय २० जना विज्ञहरुको टोलीलाई भाइरस प्रभावित क्षेत्र तर्फ परिचालन गरिएको हुवेवीका पार्टी स्थायी समितिका एक सदस्ग ह्वानले बताएका छन् |

उनले चीनियाँ पुरानो पद्धतीको आयुर्वेदिक औषधी स्थानीय स्तरमा कोरोना नियन्त्रणका लागी समेत प्रयोगमा ल्याइएको बताएका छन् । उनका अनुसार यी दुई पद्धतीका औषधिहरुको समुचित प्रयोगबाट रोगबाट मृत्यु हुने मानिसहरुको मृत्युदरमा कमि आएको पनि ह्वानले बताएका छन् ।