सामसुङको ग्यालेक्सी जेडको विक्री शुरु

सोल-सामसुङ इलेक्ट्रोनिक्सको बहुप्रतिक्षित स्मार्टफोन ग्यालेक्सी जेड फ्लिप बजारमा आउन सुरु भएको छ । अनलाइन तथा अफलाइन दुबै माध्यमबाट खरिद गर्न सकिने गरि यो फोनलाई बजारमा ल्याइएको छ ।

कतिपय विक्रेताहरुले अनलाइनबाट लञ्च गरिएको ३० मिनेटबाट नै विक्रि सुरु गरेका छन् । साथै कम्पनीले सोही दिनबाट ग्यालेक्सी एस २० को बुकिङ समेत खुल्ला गरेको छ ।

सामसुङको ग्यालेक्सी जेड फ्लिप मोडलको स्मार्टफोन कम्पनिको आधिकारिक वेवसाइट, एसके टेलीकम, केटी तथा एलजी युप्लसका वेवसाइटहरु मार्फत खरिद गर्न सकिने कम्पनिले जनाएको छ ।

विक्रि सुरु गरिएको पहिलो हप्ता कम्पनीले २० हजार स्मार्ट फोन बजारमा निकाल्दै छ, जुन कम्पनीको पहिलो स्मार्टफोन ग्यालेक्सी फोल्ड भन्दा १० गुणा बढी हो ।

कम्पनीले आफ्नो यो स्मार्टफोनको मुल्य गत बर्ष लञ्च गरिएको ग्यालेक्सी फोल्डको भन्दा ०.४ मिलयिन वन कम अर्थात १.६ मिलियनमा बजारमा ल्याएको हो । कम लागत पर्ने तथा बढी सुविधा हुने हुदा यस फोनको विक्री राम्रो रहने कम्पनीको विश्वास रहेको छ ।