शरीरको फिगर बनाउदा जापानीहरुमा कुपोषण

टोकियो- जापान जस्तो सम्पन्न देशमा ६ जना मध्ये १ जना कुपोषणको सिकार बन्दै आएका छन भन्दा पत्यार नलाग्न सक्छ ! हो तपाई सहि पढ्दै हुनुहुन्छ । तर भोकमरी र गरिविका कारण हैन । कारण अनौठो छ, त्यो हो आफ्नो शरिरको फिगर मेन्टेन गर्न अनेक प्रयोग गरेका कारणले हो ।

हाल जापानका अधिकांश युवा युवतीहरु आफ्नो शरिरको फिगर मेन्टेन गर्ने नाममा खानेकुरा समयमा नखाने गरेका कारण उनीहरु कुपोषणको शिकार बन्न पुगेका छन् ।

युवा युवतीहरु मासु जन्य पदार्थ, मिठाई तथा क्यालोरी मात्र हिसाव गरेर खान्छन् तर विज्ञहरुका अनुसार शरिरलाई चाहिने खानेकुरा पेटभर सन्तुष्ट भएर नखाएमा मानिस कुपोषणको शिकार हुन पुग्दछ ।

जापानको स्वास्थ्य मन्त्रालयका अनुसार ६५ बर्ष माथिका करिव १६.८ प्रतिशतमा तथा ८० बर्ष माथिका करिव २० प्रतिशतमा कुपोषण रहेको छ । जापानमा औसत वि एम आई पनि विह्वकै कम छ जुन अफ्रिकाको भन्दा न्युन रहेको छ ।

उता अमेरिका तथा युरोपमा भने प्रमुख समस्याको रुपमा मोटोपना रहेको छ । ति देशहरुमा मासु जन्य खाने कुराको, क्यालोरी जन्य खानेकुराको कटौति जरुरी छ तर जापानमा त्यसो गरिदा कुपोषण बढ्न थालेको छ ।

जापानको हकमा मानिसहरु शरिर सुन्दर बनाउन नखाने गरेको पाईएको छ । एक पटक एक महिलाले आफ्नो शरिर सुन्दर बनाउन तथा पेटलाई आराम दिन बिहान ५ बजेबाट भोलीपल्टसम्म खालि पेट बसेकि थिईन् । उनि ढलेपछि उनलाई छोरीले एम्बुलेन्स बोलाएर अस्पताल लगेकी थिइन् ।

यस्तै अनावश्यक विषयलाई लिएर जापानीहरुले आफ्नो शरिरमा विभिद रोगहरु निम्त्याइरहेका छन् । यदि उनीहरु समयमा पेटले मागे जति खाने गर्नु हो भने कोही पनि जापानी कुपोषण जस्तो रोगको सिकार बन्न पर्दैन ।