तिहार लगतै नेपाल हाइड्रोको आइपीओ आउने

काठमाडौं-नेपाल हाइड्रो डेभलपर लिमिटेडले तिहार लगतै २ लाख ६० हजार कित्ता (२ करोड ६० लाख रुपैयाँ) शेयर जारी गर्ने भएको छ । कम्पनीले आयोजना प्रभावित क्षेत्रका स्थानीयको लागि पहिलो चरणमा यो संख्यामा शेयर जारी गर्न लागेको हो । केहि महिनाको अन्तरालमै दोस्रो चरणमा सर्वसाधारणलाई शेयर जारी गर्ने योजना रहेको छ ।

६.८ मेगावाटको लोवर चर्नावती हाइड्रो इलेक्ट्रिक आयोजनाको निर्माण गर्न लागेको कम्पनीले सर्वसाधारणको लागि भने ३ लाख ९० हजार कित्ता शेयर जारी गर्ने भएको छ । अंकित मूल्य १ सय रुपैयाँ रहने गरि शेयर निष्काशन हुने छ । हालै धितोपत्र बोर्डले पनि कम्पनीलाई शेयर निष्काशनको लागि स्विकृत दिएको छ ।

यस कम्पनीलाई इक्रा नेपालले ग्रेड ४ रेटिङ प्रदान गरेको छ । यसले कम्पनीको आधारभूत पक्ष औषत भन्दा कम रहेको देखिन्छ |