कोरियामा कोरोनाको झुटो समाचार लेख्नेलाई कडा कारबाही हुने

सोल-दक्षिण कोरिया मात्र नभई सिङ्गो विश्व हाल कोरोना भाईरसको आतङ्क सँग लडिरहेको छ । कोरोना भाईरसको सङ्क्रमणका कारण विश्वभरमा हजारौँको सङ्ख्यामा विरामीहरु रहेका छन् भने सयौँले ज्यान पनि गुमाईसकेका छन् ।

उपचारको विश्वसनीय आधार अझै बनिसकेको छैन । तर केहि अनलाईन समाचार संस्था तथा युट्युवरले यति सम्वेदनशील विषयमा पनि संवेदनशीलता नदेखाउदा रोग बारे यकिन तथ्याङ्क ल्याउन हम्मे हम्मे पर्न थालेको छ ।

हो यहि समस्याबाट हाल दक्षिण कोरिया गुज्रिरहेको छ । हालसम्म सरकारी तथ्याङ्क अनुसार दक्षिण कोरियामा मानिसबाट मानिसमा सङ्क्रमण हुने कोरोना भाईरस सङ्क्रमितहरुको सङ्ख्या २७ जना छ । तर अनलाईनले बढाई चढाई गर्दा मानिसमा नकारात्मक असर पर्न थालेको छ ।

कसैले चीनमा चमेराको मासु खाएकाले आफु सङ्क्रमित भएको त कोहिले अन्य कुनै बाहानामा आफु सङ्क्रमित भएको अनलाईनलाई बताई समाचारको बिषय बनाएका कारण मानिसमा नकारात्मक असर परेको छ ।

हालै मात्र एक युट्युवरलाई सोहि बिषयमा पक्राउ गरि झुट समाचार सम्प्रेशण को मुद्दा समेत प्रहरीले चलाईसकेको छ । हाल धेरै अनलाईन समाचार एजेन्सीहरु फेक न्युज सम्प्रेशण गरेको आधारमा रिपोर्ट मा परेका छन्, दक्षिण कोरियाली प्रहरी अधिकारीले बताए ।

त्यसरि भ्रामक समाचार सम्प्रेशण गरिएको पाईएमा कसैलाई नछोडिने र कानुन बमोजिम कारवाहि गरिने पनि कोरियाली प्रहरिले चेतावनि दिएको छ र त्यस्ता समाचार तथा भिडियो नबनाई यो गम्भिर विषयलाई गम्भिरतापूर्वक लिन समेत अपिल गरेको छ ।