ए डिभिजन लिगमा आजदेखि १२ औँ चरणका खेल सुरु, अबका खेल रोमाञ्चक बन्ने

काठमाण्डौ – शहीद स्मारक ए डिभिजन लिग फुटबलमा आज सोमबारदेखि १२ औं चरणको खेल सुरु हुँदैछन । अब सबै टिमका दुई दुई खेल बाँकी रहेकाले उपाधी होड भने रोमाञ्चक बनेको छ ।

जारी खेलमा त्रिभुवन आर्मीको २६ अंक छ भने दोस्रो स्थानमा रहेको मच्छिन्द्रको २५ अंक छ ।

आज सोमबार तीन खेल हुँदैछन् । अन्तिम खेलबाहेक अबका सबै खेल सातदोवाटोमा हुनेछन् ।

पहिलो खेलमा बिहान पौने ९ बजे एपीएफ र फ्रेण्ड्स भिड्ने छन् । सवा १२ बजे च्यासल र सरस्वती भिड्ने छन् ।

तेस्रो खेलमा दिउँसो साढे ३ बजे संकटा र मच्छिन्द्र आमने सामने हुनेछन् । यो खेलमा मच्छिन्द्र विजयी भए शीर्ष स्थानमा उक्लने छ ।
गएको संस्करणको उपविजेता संकटालाई पनि टप सिक्सभित्र पर्नका लागि जित्नैपर्ने दबाब छ ।