मर्सिडिज बेञ्जको क्याम्पर भेन सार्वजनिक

काठमाडौं-मर्सिटिज बेन्जले आफ्नो आरामदायी कार द विकेन्डर सार्वजनिक गरेको छ । हालै सार्वजनिक गरिएको उक्त मोडेलले ग्राहकको मन सजिलै जित्ने कम्पनिको विश्वास छ ।

चार वटै फोल्डिङ सिट भएको उक्त कारको लम्बाई मिनि भ्यान बराबरको छ । यो कारलाई पप अप क्याम्पर भ्यान नाम समेत दिईएको छ ।

कम्पनिका अनुसार दुई वटा सिटहरु पुर्ण रूपमा फोल्ड हुन्छन् भने बाकी दुई सिटहरु कारमा रहेको टेन्ट आकारको क्षेत्र सम्म जान्छन् जहाँ अन्य दुई जना आरामले सुत्न सक्छन् ।

फोम मेट्रेस राखिएको उक्त कारमा विद्युतीय सामाग्री चार्ज गर्न युएसबि पोर्टहरु जडान गरिएका छन् जसका लागि छुट्टै ब्याट्रीको ब्यवस्था गरिएको छ ।

मानिस बस्न तथा सामान राख्न सिटहरुलाई आवश्यकता अनुसार अघि पछि सार्न सकिने उक्त कारमा अगाडिका दुई सिटहरुलाई १८०° मा घुम्न सकिने गरि डिजाईन गरिएको छ ता कि भ्यान रोकेको समयमा मानिसहरु राउन्ड टेवलमा बसे जसरि नै बसेर छलफल गर्न सकुन् ।