सामसुङले २०२० मा ४ करोड फोन बेच्ने

काठमाडौँ-हालै गरिएको एक बजार सर्वेक्षणा अनुसार कोरियाली स्मार्ट फोन उत्पादक कम्पनि सामसुङले सन् २०२० मा एस २० सेरिजका करिव ४० मिलियन स्मार्ट फोन बेच्ने प्रक्षेपण गरेको छ ।

आगामी मङ्गलवार सन्फ्रान्सिस्कोमा आयोजना हुने भव्य कार्यक्रम बिच सार्वजनिक हुने उक्त फोन सन् २०१६ मा लन्च गरिएको एस ७ सेरिजपछिको सर्वाधिक बिक्री हुने अपेक्षा समेत गरिएको छ । एस ७ फोन सामसुङको सबैभन्दा सफल उत्पादन मानिन्छ ।

सामसुङ ग्यालेक्सी एस २० का तीन सेरिजहरु रहने कम्पनिले बताएको छ । एस २०, एस २० प्लस र एस् २० अल्ट्रा नाम दिईएका स्मार्ट फोनहरु यो भन्दा अगाडी उत्पादित फोनहरु भन्दा १०% बढी बिक्री हुने कम्पनिको आँकडा छ ।

विश्व बजारमा करिव २०% हिस्सा बोकेको यस कम्पनिका उत्पादनहरु मध्ये सबै भन्दा महत्वाकांक्षी उत्पादनको रूपमा हेरिएको एस २० को बजार मुल्य ८५० अमेरिकी डलर हुन सक्ने कम्पनीले बताएको छ । यो मुल्य एस १० को भन्दा करिव ५० अमेरिकी डलर सस्तो हो । फाईभ जी सपोर्ट गर्ने र फोल्डेवल यसका आकर्शक विशेशता हुन् ।

आफ्ना उत्पादनमा चाहिने पार्ट्स हरु भारत तथा ताईवानबाट ल्याईने भएका ले माहामारीको रुपमा फैलिएको कोरोना भाईरसले उत्पादनमा खासै समस्या नल्याउने भन्दै कम्पनिले यो सेरिजलाई ऐतिहासिक रुपमा सफल बनाउने बताएको छ ।