प्रधानमन्त्रीद्वारा गुरुङको निधनप्रति दुःख व्यक्त

काठमाण्डौ-प्रधानमन्त्री केपी शर्मा ओलीले नेपाल कम्युनिष्ट पार्टी (नेकपा)का केन्द्रीय सदस्य तथा सम्पर्क समन्वय कमिटीका सह-इञ्चार्ज विजय गुरुङका पिता कुलबहादुर गुरुङको निधनप्रति दुःख व्यक्त गरेका छन्।

प्रधानमन्त्री ओलीले आज शोक विज्ञप्ति जारी गर्दै समाज परिवर्तनका लागि दिवङ्गत गुरुङले गर्नुभएको योगदानको उच्च प्रशंसा गर्दै पितृशोकमा परेका विजय गुरुङ र उहाँको परिवारलाई धैर्यधारण गर्ने शक्ति प्राप्त होस् भन्ने कामना गरेका हुन्।

पर्वतमा भएका गुरुङको ८७ वर्षको उमेरमा गत सोमबार निधन भएको थियो। गुरुङका एक छोरा र दुई छोरी छन्।