सहिद स्मारक ए डिभिजन लिग फुटबल : आज एघारौ चरणका २ खेलहरु हुदै

काठमाण्डौ-सहिद स्मारक ए डिभिजन लिग फुटबलमा आज ११ औ चरणका थप २ खेल हुदैछन्। आजको पहिलो खेलमा थ्रीस्टार क्लब र संकटा क्लब प्रतिस्पर्धा गर्नेछन्। दोस्रो खेलमा नेपाल पुलिस र ब्रिगेड व्वाईज क्लब भिड्ने छन्।

ललितपुरको सातदोबाटोस्थित एन्फा कम्प्लेक्सको मैदानमा हुने बिहान ११:३० बजेको खेलमा थ्रीस्टार छैठौ र संकटा पाँचौ जितको खोजीमा रहनेछन्। शीर्ष ५ मा स्थान सुरक्षित गर्ने लक्ष्यमा रहेका दुबै टोली ११ औ चरणमा स्पष्ट अंक हात पार्ने योजनामा रहेका छन्।

सोहि मैदानमा दिउँसो ३:०० बजे नेपाल पुलिस र ब्रिगेड व्वाईज क्लबले खेल्नेछन्। शीर्ष ५ मा रहदै लिगको यात्रा टुङग्याउने योजनामा रहेको पुलिस ब्रिगेडबिरुद्ध सहज जितको खोजीमा रहने छन्। ११ औ स्थानमा रहेको ब्रिगेडलाई रेलिगेशनको खतरा टार्न विभागीय टोली पुलिस बिरुद्धको खेल जित्नै पर्ने दबाव रहेको छ।

त्रिभुवन आर्मी क्लब ए डिभिजन लिगको शीर्षस्थानमा छ। मछिन्द्र फुटबल क्लब दोस्रो स्थानमा छ। अन्तिम २ चरणका खेल बाँकी रहँदा आर्मी र मछिन्द्रबीच एक अंकको अन्तर रहेको छ।

१२ औं चरणको खेलमा पनि दुवै टोलीले सफलता हसिल गरेको खण्डमा यी दुई टोलीबीचको अन्तिम खेलले लिग उपाधिको छिनोफानो हुनेछ। आर्मीको २६ र मछिन्द्रको २५ अंक छ। एक खेल कम खेलेको तेस्रो स्थानको नेपाल आयल निगम मनाङ मर्स्याङ्दी क्लबको १९ अंक छ।