कोरोना आतङ्क अब दश दिनमा रोकिन्छ

सोल-कोरियाका निम्ति चिनिया राजदुत छिङ हाईमिङले अबको १० दिनमा चीनले कोरोना भाईरसको आतङ्क नियन्त्रण गर्ने बताएका छन् ।

‘हामीले उत्कृष्ठ बैज्ञानिकहरुको टोली बनाएर निरन्तर यस महामारी रोकथामका निम्ति लडिरहेका छौँ र अबको १० दिनमा स्थितिमा सुधार आउने छ’ उनले भने ।

हामी यो रोगलाई नियन्त्रण गर्न सक्छौँ, हामीलाई विश्वास गर्नुस्, उनले भने ।

विश्वका २८ देशका २८ हजार जनामा उक्त भाईरस सङ्क्रमण भएको र ५ सय ६० भन्दा बढीले ज्यान गुमाईसकेको सन्दर्भमा कोरिया माथि चीन तथा चीनको बाटो हुदै हुने सम्पुर्ण उडान बन्द गर्न दवाव परेको भन्ने कोरियाली सरकारको धारणालाई सम्बोधन गर्दै राजदुतले सो कुरा बताएका हुन् ।

विश्वका विभिन्न देशहरुले चीनको बाटो भएर हुने उडान बन्द गर्नु, ताईवानले चीनसँग हवाई सम्पर्क बन्द गर्नु तथा विश्व स्वास्थ्य संगठनले समेत उक्त रोग प्रति ध्यानाकर्षण गराउनुले कोरिया शशङ्कित हुन पुगेको सरकारले चिनिया राजदुतलाई अवगत गरिएको थियो |

हाल कोरियन सरकारलाई चीन सँगको सिधा हवाई सम्पर्कलाई लिएर विभिन्न टिकाटिप्पणीहरु भईरहेका बेला चिनिया राजदूतको सो भनाई सार्वजनिक भएको हो ।