कोरोना आतंक – चीनलाई विश्वका २१ देशको सहयोग

काठमाण्डौ-माहामारीको रुपमा विश्वभरी फैलिएको कोरोना भाईरसका कारण ५६० भन्दा बढीको मृत्यु, २८ सय भन्दा बढीमा फैलिएको सङ्क्रमण का कारण सिङ्गो विश्व त्रासमा छ । उक्त महामारी सँग जुध्न पनि सिङ्गो विश्व एक भएर लागि परेको छ ।

चिनिया परराय्ट्र मन्त्रालयका प्रवक्ताका अनुसार युनिसेफ लगायत विश्वका २१ देशहरुले उक्त महामारीसँग लड्न बिभिन्न प्रकारका सहयोगहरु चीन पठाउन शुरु गरेका छन् |

कोरिया, जापान, थाईल्याण्ड, मलेसिया, ईन्डोनेशिया, काजकिस्तान, पाकिस्तान, जर्मनी, बेलायत,फ्रान्स, ईटाली, हङ्गेरी, बेलारुस, टर्की, युएई, ईरान, अल्जेरिया, ईजिप्ट, अष्ट्रेलिया, न्युजिल्यान्ड, ट्रिनिडाड तथा टोबागोले सहयोग गरेको परराष्ट्र मन्त्रालयका प्रवक्ता हुवा चुविङले अनलाईन पत्रकार सम्मेलनमा जानकारी दिए ।

माथि उल्लेखित देशहरु बाहेक अन्य देशहरुले समेत आफुलाई सहयोग गर्न तत्परता देखाएको प्रवक्ताले पत्रकार सम्मेलनमा जानकारी दिए । उनले ति देशहरुबाट नगद तथा अन्य स्वास्थ्य सामाग्रीहरु प्राप्त भएको समेत उल्लेख गरेका छन् ।

हालै ईरानले ३ मिलियन सर्जिकल मास्क उपलब्ध गराएको पनि उनले जानकारी दिएका छन् । साथै सहयोगीदाताहरुको विवरण नियमित रुपमा अपडेट गराउने प्रतिबद्दता समेत उनले जनाएका छन् ।