चीनमा कोरोना आतंक – १६ हजार ६ सय ७८ जना संक्रमित

हुवान- चीनको क्न्द्रस्थित हुवान प्रान्तको हुवेवीमा हालसम्म ३ हजार १ सय ५६ जना कोरोना भाईरस संक्रमित बिरामी फेला परेको र मंगलवार मात्र थप ६५ जनाको मृत्यु भएको स्थानिय स्वास्थ्य सुचना केन्द्रले जानकारी दिएको चीनिया समाचार संस्था सिन्ह्वाले जनाएको छ ।

हुवेवीस्थित प्रान्तिय स्वास्थ्य बिभागका अनुसार सियाओग्यान, हुवाङ्गाङ, हुवाङ्सी, छियाङ्ग्याङतथा जिङ्ग्जोउ शहरहरुमा क्रमश ३ सय ४२,२ सय २३, १सय ३, १ सय ३ र १ सय जना नयाँ कोरोना भाईरस संक्रमित फेला परेका छन् ।

मंगलवार मात्र अस्पतालहरूले १ सय २५ जना बिरामीहरुलाई डिस्चार्ज गरेको पनि बताइएको छ |

स्वास्थ्य विभागका अनुसार हालसम्म हुवेवीमा १६ हजार ६ सय ७८ जना भाईरस संक्रमित पहिचान भएको तथा ४ सय ७९ जनाको मृत्यु भएको पनि जानकारी दिईएको छ ।

त्यस्तै गरि २ हजार ५ सय २० जनाको स्थिति गम्भिर रहेको तथा ५ सय २० जनालाई अस्पतालबाट डिस्चार्ज गरिएको पनि विभागले जानकारी दिएको छ ।