कोरियामा अनौठो स्टाटस लेखेका शोभित मृत भेटिए,स्टाटस सहित

सोल-दक्षिण कोरियामा एक नेपाली युवकको मृत्यु भएको छ । रोजगार अनुमति प्रणालीमार्फत मजदूरी गर्न यहा आएका पाँचथर मिक्लाजुंग गाउपालिकाका सनोज शोभित आङ्गदेम्बेको सुतेकै अवस्थामा मृत्यु भएको हो ।

पांच बर्ष अघि यहा आएका आङ्गदेम्बे वाईजन्ग्बोमा रहेको एक प्लास्टिक कम्पनीमा काम गर्दै आएका थिए । सो कम्पनीमा काम गरिरहेका अन्य नेपालीका अनुसार आङ्गदेम्बे शनिबार राती आफ्नै कम्पनिमा खाना खाएर सुत्न आफ्नो कोठा गएका थिए ।

आइतबार बिहान ११ बजेसम्म पनि आङ्गदेम्बेलाई कसैले नदेखेपछि उनको ढोका फोडेर हेर्दा उनि मृत अवस्थामा भेटिएका हुन् । यस अघि उनको स्वास्थ्यमा खासै समस्या आफुहरुले नदेखेको सहकर्मीले बताएका छन् । मृतक संगै सो कम्पनिमा अरु पांच नेपाली कार्यरत छन् ।

आङ्गदेम्बेको मृत्युको खबर जानकारी पाएपछि उनको शुभ-चिन्तकहरुले दुख व्यक्त गरेका छन् ।

श्रीमती कोरियामै रहेका आङ्ग्देम्बेले फेसबुकमा अघिल्लो दिनमात्र अनौठो खालको स्टाटस लेखेका थिए । एक कार्यकाल पुरा गरेर फेरी कोरिया आएका उनको मृत्युको कारण पोस्टमार्टमको प्रतिवेदन आएपछि मात्रा थाहा हुने सहकर्मीले बताए । केहिले भने श्रीमतीले धोका दिएको हुनसक्ने अनुमान लगाएका छन् । हेर्नुस स्टाटस :-