भिडियो गेम किन्न पैसा नदिएपछि आफ्नै आमालाई कैंची प्रहार

एजेन्सी– जापानको आइची प्रान्तको प्रहरीले सोमबार एक १६ बर्षे युबकलाई हत्याको प्रयासको आरोपमा पक्राउ गरेका छन् । उनले आफ्नै ४५ वर्षीया आमालाई कैंचीले प्रहार गरेका थिए ।

प्रहरीका अनुसार बालकले बिहान २:15 तिर आफ्नी आमालाई आक्रमण गरेका थिए । आमाको छातीमा प्रहारबाट एक सेन्टिमिटर गहिरा घाउ भएको छ ।

उक्त युवकले प्रहरीलाई फोन गरि आफ्नो आमालाई प्रहार गरेको जानकारी गराएका थिए । आमालाई अस्पताल लगियो। उनको घाउ प्राणघातक नभएको प्रहरीले बताएका छन् ।

प्रहरीका अनुसार भिडियो गेम किन्नका लागि पैसा नदिएको कारण १६ बर्षे युबक रिसाई आफ्नो आमालाई प्रहार गरेका थिए ।