चीनमा कोरोना त्रास – बिरामी उपचार गर्न सैन्य चिकित्सक अस्पताल पुग्यो

काठमाडौं-कोरोना भाइरस ग्रस्त बिरामीहरुको उपचार गर्न चिनिँया सैन्य चिकित्सक टोली आठवटा ठूला सामान बोक्ने विमानमा आवश्यक ५८ टन सामाग्रीहरु सहित घटनास्थल पुगेका छन् । टोलीमा ७९५ जना सैन्य चिकित्सकहरु सम्मिलित रहेका छन् ।

केन्द्रिय सैन्य आयोगको निर्देशनमा स्थानिय सैनिक विमानस्थलबाट प्रस्थान गरेको उक्त सैन्य चिकित्सकहरुको टोली प्रकोप स्थल अर्थात सेन्याङ, लान्जोहु, ग्वान्जाउ तथा नान्जीङमा सफल अवतरण गराई विहान करिव ८ः५५ बाट ९ः३० बिचमा फर्केको थियो ।

यो चीनीयाँ सैनिकहरुले गैर युद्धका निम्ति पठाएको सबै भन्दा ठूलो सैन्यबल हो । यस अघि उसले सन् २००८ मा सिचुआन प्रान्तको वानच्युआन तथा सन् २०१० को क्युन्गाई प्रान्तको युसुमा गएको शक्तिशाली भुकम्प पश्चात उद्धार तथा पुनस्थापनाका निम्ति पनि यस्तै ठूलो संख्यामा सैन्यबल पठाएको थियो ।