प्रधानमन्त्रीको ‘भब्य’ रात्रिभोज मा किन गएनन् यी नेताहरु ?

काठामडौं  – प्रधानमन्त्रीसमेत रहेका नेकपाका अध्यक्ष केपी शर्मा ओलीले केन्द्रीय कमिटीका सदस्यहरुलाई बालुवाटारमा गरको रात्रिभोजमा केही नेताहरु सहभागि भएनन् ।

प्रधानमन्त्रीले हार्दिकता बढाउनका लागि भनेर आयोजना गरेको भए पनि केही नेताहरु भने भोजमा उपस्थित भएनन् ।

केन्द्रीय सदस्य राजेन्द्र राई, रामकुमारी झाँक्री, लेखनाथ न्यौपाने, ठाकुर गैरे लगायतका युवा नेताहरु बालुवाटारको भोजमा सहभागी नभएका हुन् ।

केन्द्रीय सदस्य लेखनाथ न्यौपानेले भोजप्रति व्यङ्ग्य गर्दै ‘घरकै भुटेको मकै र कालो चिया मिठो ।’ भनेर सामाजिक संजालमा लेखेका थिए ।

आफू यसअघि पार्टी एकता भएपछि बालुवाटारमा आयोजना भएको भोजमा पनि सहभागी नभएको न्यौपानेले बताए ।

आफ्नो स्वभाव यस्ता भोजहरुमा नजाने रहेको उनको भनाइ थियो । पार्टीमा तडकभडक नहोस् भन्ने जनताको चाहना रहेको उनको भनाइ छ ।

भोजमा पुलाउ, दाल फ्राई, चिकेन, मटन, बटरमसला फिसलगायत राखिएको थियो । उसिनेको मकै, गाँजर, दही, हलुवा, रसवरी लगाइ राखिएको थियो । भोजमा ‘ड्रिङ्स’ भने राखिएको थिएन ।

ओली प्रधानमन्त्री भएपछि बालुवाटारमा धेरै भोजहरुको आयोजना हुन थालेको आरोप कतिपयले सामाजिक सञ्जालमा लगाइरहेका छन् । यस्तै पार्टीका बैठक बस्न पनि सरकारी निवास प्रयोग गर्ने गरिएको भन्दै आलोचना भैरहेको छ ।