चीनमा कोरोना आतंक – आजदेखि १४ सय सैन्य चिकित्सक खट्ने

काठमाडौं-चिनियाँ राष्ट्रपति सि जिङ पिङसँगको उच्च स्तरीय छलफल पश्चात हालै कोरोना प्रभावित क्षेत्रमा निर्माण सम्पन्न चरणमा रहेका अस्पतालहरुमा चिनियाँ सैन्य चिकित्सक समुहका १४ सय जनाले आफ्नो सेवा दिने भएका छन् ।

हुवानस्थित ती अस्पतालमा सैन्य चिकित्सकहरुको टोलीले सोमबारबाट आफ्नो सोवा सुरु गर्ने भएको हो ।

१ हजार शैय्याको हुसेनसेन हस्पिटलले आगामी आजबाट आफ्नो सेवा सुचारु गर्न लागेको सरकारी अधिकारीहरुले बताएका छन् ।

उक्त सैन्य चिकित्सक टोलीमा ९५० जना चिनियाँ जनमुक्ति सेनाका स्वास्थ्यकर्मी छन् भने ४५० जना चिनियाँ जनमुक्ति सेनाको विश्वविद्यालयका चिकित्सकहरु रहेका छन् जो पहिले पनि हुवानमा उपचार टोलीमा सम्मिलित भएर गएका थिए ।

विश्वव्यापी रुपमा फैलिएको कोरोना भाइरस उपचारमा खटिएको उक्त सैन्य चिकित्सक टोली यस भन्दा अगाडि सार्स तथा इबोला जस्ता घातक रोगहरुको उपचार गर्न प्रभावित क्षेत्रमा गएको थियो ।

उक्त सैन्य चिकित्सकहरुको टोलीलाई अनुगमन तथा निर्देशन गर्न १५ सदस्यीय विज्ञहरुको टोली समेत त्यस तर्फ परिचालन गरिएको सरकारी अधिकारीहरुले बताएका छन् ।