भरतपुर अस्पतालमा कोरोना भाईरसका शंकास्पद विरामी उपचारका लागि छुट्टै कक्ष

काठमाण्डौ-चितवनको भरतपुर अस्पतालले शंकास्पद बिरामीको उपचारका लागि छुट्टै कक्ष बनाएको छ। अस्पतालमा कोरोना भाइरसका शंकास्पद विरामीको उपचारको लागि पाँच शैयाको छुट्टै कक्ष बनाइएको हो।

शकांस्पद बिरामीलाई परीक्षण गरी उपचार गर्नको लागि आइसोलेसन वार्ड खडा गरिएकोे भरतपुर अस्पतालका सूचना अधिकारी लिलाधर पौडेलले बताएका छन्। अस्पतालले विशेषज्ञ चिकित्सक डा प्रमोद पौडेल र कल्याण सापकोटालाई सो कक्षको जिम्मेवारी दिईएको छ। कुनै बिरामीमा कोरोना भाइरसको संक्रमणको आशंका लागेमा विरामीको नमूना सङ्कलन गरी परीक्षणका लागि राष्ट्रिय जनस्वास्थ्य प्रयोगशाला काठमाडौँ पठाउने व्यवस्था मिलाइएको छ।