कोरियाको कम्पनीमा विस्फोट हुँदा २ को मृत्यु, ४ बिदेशी सहित आठ घाइते

सोल-उत्तरी सोलको एक छाला कारखानामा भएको विस्फोट र त्यसबाट फैलिएको आगलागीमा परि दुई जनाको ज्यान गएको छ भने अन्य आठ जना घाइते भएका छन् ।

वारुण नियन्त्रण शाखा सोलका अनुसार उक्त आगलागी सोलभन्दा करिव पच्चीस किलोमिटर उत्तरमा रहेको याङ्जु भन्ने क्षेत्रमा विहानको करिव ११ः०० बजे तिर भएको थियो ।

उक्त आगलागीमा परि चार विदेशी कामदार सहित आठ जना घाइते भएका छन् । घाइतेहरुलाई नजिकैको अस्पतालमा लगएिको छ र घाइते मध्ये दुइको अवस्था भने गम्भिर रहेको छ ।

जम्मा तेह्र जना कामदार रहेको उक्त कारखानाका अन्यलाई भने सकुशल उद्धार गरिएको छ । अग्नि नियन्त्रकहरुका अनुसार उक्त आगलागि कारखानाको एक कोठामा राखिएको बोइलरबाट सुरु भएको थियो । आगलागीको कारण यकिन नभएका कारण विज्ञहरुले अनुसन्धान कार्यलाई भने तिब्रता दिएका छन् ।