पत्ता लाग्यो कोरोना बिरुद्धको एन्टिभाइरस

लन्डन-युनिभर्सिटी अफ मेनचेस्टरका बैज्ञानिकहरुले हालै कोरोना भाइरस बिरुद्धको एन्टिभाइरस पत्ता लागेको दावी गरेका छन् ।

चीनीको प्रयोग गरि तयार पारिएको उक्त एन्टिभाइरसले आफ्नो सम्पर्कमा आउने सम्पुर्ण भाइरसहरुलाई नस्ट गर्ने उनीहरुको दावी रहेको चिनीयाँ सञ्चार माध्यम सिनुवाले जनाएको छ ।

अन्तराष्ट्रिय बैज्ञानिकहरुको टोलीले हालै सार्वजनिक गरेको उक्त समाचारका अनुसार उनीहरुले हालै पत्ता लगाएको उक्त एन्टिभाइरसले हर्पेस सिम्प्लेक्स,रेस्पिरेटरी सिन्सियल भाइरस, हेपाटाइटिस सी, एचआइभी तथा अन्य रोगहरुको रोकथाममा पनि कोशेढुङ्गा सावित हुने जानकारी दिइएको छ ।

यो सफलताको नतिजा युनिभर्सिटी अफ मेनचेस्टर तथा युनिभर्सिटी अफ जेनेभाका बैज्ञानिकहरुको संयुक्त प्रयासबाट सफल भएको पनि खोजकर्ताहरुले बताएका छन् ।

चीनीको प्रयोग गरि भाइरस नस्ट गर्ने नयाँ प्रविधिको प्रयोग गरि तयार गरिएको यो एन्टिभाइरस प्रणाली रोग रोकथामको क्षेत्रमा गेम चेन्जर सावित हुने खोजकर्ता मध्येका एक जोनले समाचारदाताहरु संग उल्लेख गरेका छन् ।

यदी बैज्ञानिकहरुको यो दावी सहि सावित भएमा स्वास्थ्य क्षेत्रमा नयाँ युगको सुरुवात हुने पनि बताइएको छ । अचानक महामारीको रुपमा आउने यस्ता प्रकारका भाइरसहरु सँग लड्न समयमै औषधि नहुदा धेरै मानिसहरुले अकालमा ज्यान गुमाउनु पर्ने तथ्य जिवितै रहेको हालको समयमा यो आविश्कार वरदान सावित हुने कुरामा कुनै सन्देह छैन ।