अज्ञात समूहद्वारा वडा कार्यालय आगजनी, कागजात र सामग्री जलेर नष्ट

काठमाडौँ-  सल्यान कपुरकोट गाउँपालिका-५ को एक वडा कार्यालयमा अज्ञात समूहले आगजनी गरेको छ। वडा अध्यक्ष यमकुमार बस्नेतक अनुसार बुधबार राति अज्ञात समूहले आगजनी गरेको हो । उनले वडा कार्यालयमा रहेका सम्पूर्ण कागजात र सामग्रीहरू जलेर नष्ट भएको बताएका छन् ।

उक्त आगजनीको बारेमा भने बिहान १० बजे कार्यालय खोल्दा मात्रै आगलागीबारे थाहा भएको कार्यालय सहयोगी पदम बहादुर बिकले बताए । पञ्जिकरणका सम्पूर्ण श्रेष्तासहितका महत्वपूर्ण जागजातहरू, डेक्स्टप कम्प्युटर एक थान, प्रिन्टर एक थान, सोफा, घुम्ने कुर्सी , टेबुल , कार्पेट, पर्दा, ईन्टरनेटसम्बन्धी सामग्री, दराजलगायतका सामग्री पूर्णरूपमा जलेर नष्ट भएको वडा अध्यक्ष बस्नेतले जानकारी दिए ।

जिल्ला प्रहरी कार्यालयले बहने वडा कार्यालयमा कसले र किन आगलागी गर्‍यो भन्ने केही नखुलेको बताएको छ । जिल्ला प्रहरी कार्यालय सल्यानका प्रहरी प्रमुख ढकेन्द्र खतिवडा घटनाबारे अनुसन्धान सुरु गरिएको जानकारी दिएका छन् ।