नेवि संघको अध्यक्षमा राजिव ढुंगाना

काठमाडौँ-नेपाल विद्यार्थी संघको तदर्थ समित गठन भएको छ । २०७५ साल फागुन १ गतेको केन्द्रीय कार्यसमिति बैठकको निर्णय अनुसार कांग्रेस सभापति शेरबहादुर देउवाले राजिव ढुंगाना अध्यक्ष रहनेगरी नेविसंघको तदर्थ समिति गठन गरेका हुन् ।

संघको महासचिवमा मनोज बैद्य र महेश्वरी कुँवर रहेका छन । अब नेविसंको १२ औं केन्द्रीय अधिवेशन ६ महिनाभित्र सम्पन्न गर्नुपर्नेछ ।

१२ औं अधिवेशनसम्म केन्द्रीय कार्यसमितिले प्रयोग गर्ने विधान बमोजिम काम कर्तव्य र अधिकारको प्रयोग हुनेछ । ९३० तदर्थ कार्यसमितिमा रहेकाहरु आउदो केन्द्रीय अधिवेशनमा उम्मेदवार हुन पाउने छैनन ।

केन्द्रीय कार्यसमिति विघटन भएको २०७५ साल माघ २९ गतेसम्ममा ३२ वर्ष ननाघेकाले भने महाधिवेशनमा भाग लिन पाउनेछन् । तदर्थ कार्यसमितिका बाँकी पदाधिकारी र सदस्यको मनोनयन केही दिनभित्रै गरिसक्ने नेपाली कांग्रेसले जनाएको छ ।