सामसुङले ग्यालेक्सी जेड लञ्च गर्दै

काठमाडौँ – विश्व विख्यात कोरियाली स्मार्ट फोन निर्माता कम्पनि सामसुङले यस वर्षको अन्त्य सम्ममा आफ्नो अर्को स्मार्ट फोन सार्वजनिक गर्ने भएको छ ।

एक आइटी वेवसाइट ट्वीकडाउनका अनुसार कम्पनिले यो बर्षको अन्त्य सम्ममा उक्त फोन सार्वजनिक गर्ने र उक्त फोनको नाम ग्यालेक्सी जेड हुने पनि कम्पनिले प्रारम्भिक सुचना दिएको छ ।

यो फोन अंग्रेजीको जेड अक्षर जसरी नै फोल्ड हुने भएकाले फोनको नाम ग्यालेक्सी जेड दिइएको अनुमान गरिएको छ । तर टी.सी.एल र स्याओमी कम्पनीहरुले यसअघि नै उक्त मोडेलको फोन निकाली सकेका छन् ।

सामसुङका हाल उपलब्ध फोनहरु भित्र मात्र फोल्ड हुन्छन् तर यो फोन भने दुबै तिर फोल्ड हुने कम्पनीबाट प्राप्त फोटोहरुका आधारमा आँकलन गर्न सकिन्छ ।

१० देखी ११ इन्चको स्क्रिनमा उपलब्ध हुने अनुमान गरिएको उक्त स्मार्ट फोन ट्याव पि.सी कै आकारमा हुने भनिए पनि रकम र सार्वजनिक गरिने मिति बारे भने केही खुलाइएको छैन । कम्पनीका अधिकारीहरुका अनुसार उक्त फोनले आगामी बर्षको मध्य सम्ममा बजार पिट्ने अनुमान गरिएको छ ।