चीनमा कोरोना भाइरसका कारण ब्रिटिस एयरलाइन्सका सबै उडान बन्द

एजेन्सी-ब्रिटिस एयरलाइन्सले बुधबारदेखि आफ्नो सबै उडान चीनमा बन्द गरेको छ। कोरोना भाइरसको संक्रमण नघटेपछि ब्रिटिस एयरलाइन्सले आगामी मार्चसम्म चीनमा उडान नभर्ने जनाएको छ।

ब्रिटिस एयरलाइन्सले लन्डनबाट सिधा बेइजिङ र सांघाईका बुकिङसमेत बन्द गरेको र अवस्था सामान्य नभएसम्म उडान नभर्ने जनाएको छ।

कोरोना भाइरसले चीनमा अहिलेसम्म १३२ जनाको मृत्यु र ६ हजार बढी संक्रमित भइसकेका छन्। चीनले वुहान सहर बन्द गरेर संक्रमितको उपचार गरिरहेको छ।

चीनबाट फैलिएको कोरोना भाइरस अमेरिका, जापान, अफ्रिकाका देशमा समेत देखिइसकेको छ। बुधबार मात्रै अस्ट्रेलिया र युएईमा कोरोनाभाइरस व्यक्तिमा संक्रमण भएको पुष्टि भएको छ।