८ लाख घुस लिएर पनि फिर्ता गर्ने प्रमुख प्रशासक र उप–प्रशासक

काठमाडौं– गुठी संस्थान त्रिपुरेश्वर, काठमाडौंका प्रमुख प्रशासक नारायण चौधरी र उप–प्रशासक जयप्रसाद रेग्मीविरुद्ध पनि भ्रष्टाचारको मुद्दा दायर भएको छ ।

काठमाडौं महानगरपालिका १ मा रहेको जग्गा सम्बन्धी गुठी संस्थानमा चलिरहेको मुद्दाको सम्बन्धमा गुठीको जग्गा गुठीमै कायम गर्नको लागि घुस लिएको तथा फिर्ता समेत गरेको सुचनाको आधारमा उनीहरु पक्राउ परेका अख्तियारले जनाएको छ ।

उनीहरुले सेवाग्राहीसँग ८ लाख रुपैयाँ घुस लिएर फेरी त्यो रकम सेवाग्राहीलाई नै फिर्ता गरिदिएको पुष्टी हुन आएको प्रवक्ता कोइरालाले बताए ।