टिपरले किचेर युवकको मृत्यु, मृतकका आफन्तद्वारा सडक अबरुद्ध

सुर्खेत-वीरेन्द्रनगर नगरपालिका-३ सुर्खेत गौतमचोक नजिक टिपरले किचेर एक युवकको मृत्यु भएको छ।

जुम्लारोड नोबल एकेडेमि अगाडि भे १ ख २२४२ नम्बरको ट्रिप्परले भे ६ प २१७८ नम्बरको मोटरसाइकललाई ठक्कर दिँदा कालिकोट महावै गाउँपालिका-३ सिमखेत घर भएका २० वर्षीया केशर सिंहकाे घटनास्थलमै मृत्यु भएको छ।

प्रत्यक्षदर्शीका अनुसार मोटरसाइकल साइड लगाउन खोज्दा निकै स्पिडमा आएको टिप्परले पछाडीबाट ठक्कर दिएर घटना हुन पुगेको हो। अहिले घटनास्थल वरपर सडक अबरुद्ध छ।

मृतकका आफन्तले यरिचौक र गौतमचोकमा टायर बालेर विरोध प्रदर्शन गरिरहेका छन्। प्रहरीले टिपर चालकलाई नियन्त्रणमा लिइको र मृतक परिवारलाई शव बुझाउन छलफल भइरहेको छ।