कांग्रेस निकट नेविसंघका नेताहरुबीच सानेपामा झडप

काठमाडौं-नेपाल विद्यार्थी संघका नेताहरुबीच नेपाली कांग्रेसको केन्द्रीय कार्यलय सानेपामा झडप भएको छ।

विधान विपरित नेविसंघको नेतृत्व चयन गर्न लागेको भन्दै विरोध प्रदर्शन गरिरहेका महासचिव कुन्दनराज काफ्लेमाथि पार्टीको संस्थापन पक्षले हातपात गरेको हो। काफ्लेमाथि पार्टीका बिपक्षका विद्यार्थीका नेता तथा कार्यकर्ताले हातपात गरेका हुन्। नेविसंघको विधानमा केन्द्रीय पदाधिकारी ३२ वर्ष भन्दा माथिको व्यक्ति हुन नहुने उल्लेख छ।

तर यो व्यवस्थाविपरित ५० वर्षीय राजीव ढुङ्गानालाई नेतृत्वले संघको नेतृत्व दिन लागेको विरोधमा विद्यार्थीहरु असन्तुष्ट छन्। कांग्रेसका लागि नेता उत्पादनको भुमिका खेलिरहेको विद्यार्थी संगठनको सकारात्मक पक्ष र नकारात्मक पक्षमा बादबिबाद हुदा झडप भएको हो।

कांग्रेस केन्द्रीय समिति बैठक आजै बस्ने र नेविसंघको नेतृत्व चयन गर्ने कार्यक्रम रहेकाले विद्यार्थीहरु विरोधमा उत्रिएका थिए।