सी जिनपिङको विशेष बैठक : कोरोना भाईरसको खतरापूर्ण अवस्थालाई सहजतातर्फ लैजान निर्देशन

एजेन्सी – चीनका राष्ट्रपति सी जिनपिङले कोरोना भाइरस फैलिने क्रम तीव्र भइरहेको भन्दै यसले ‘गम्भीर अवस्था’ निम्तिएको बताएका छन् ।

भाईरस तीव्र गतीमा फैलन थालेपछि राष्ट्रपति सी ले चिनियाँ उच्च अधिकारीहरुको विशेष बैठक डाकेर अहिलेको खतरापूर्ण अवस्थालाई सहजतातर्फ लैजान निर्देशन दिए ।

बैठकमा राष्ट्रपति सी ले सचेत रहन चीनका सबै नागरिकलाई आग्रह गरेका छन् ।

चिनियाँ शहर वुहानमा पहिलो पटक सङ्क्रमण देखिएपछि अहिलेसम्म कम्तीमा ४२ जनाको ज्यान गइसकेको छ ।

चीनमा फैलिइरहेको घातक कोरोना भाइरसको सङ्क्रमणलाई रोक्न असम्भव हुन सक्ने वैज्ञानिकले चेतावनी दिएका छन् ।

भाइरस मानिसबाट मानिसमा सङ्क्रमण हुने हुँदा यसको अवस्था कस्तो छ भनेर बुझ्न सकिने विश्वको सङ्क्रमित रोगका बारेमा अध्ययन गर्ने लण्डनको एमआरसी सेन्टरले जनाएको छ ।

तर, वैज्ञानिकहरुले यो भाइरसबाट बच्नका लागि चीन गरिरहेको प्रयासलाई सहरानीय भनेका छन् ।