इरानको मिसाइल आक्रमणका कारण ३४ सैनिकको मष्तिस्कमा आघात

काठमाडौ – इरानले इराकमा रहेका अमेरिकी सैनिकको बेसक्याम्पमा गरेको मिसाइल आक्रमणका कारण ३४ अमेरिकी सैनिकको मष्तिस्कमा आघात पुुगेको पाईएको छ ।

अमेरिकी रक्षा मन्त्रालय पेन्टागनका अनुसार जनवरी ८ मा इरानले गरेको मिसाइल आक्रमणका कारण ३४ सैनिकमा ट्रम्याटिक ब्रेन इन्जुरिज्को समस्या भएको हो ।
१७ सैनिक अझै पनि स्वास्थ्यकर्मीको निगरानीमा रहेको पेन्टागनका प्रवक्ताको भनाई छ ।

इरानी विशिष्ठ सैन्य दस्ता कुड्स फोर्सका मेजर जनरल कासिम सुलेमानीको अमेरिकाले गरेको हवाई आक्रमणमा इराकको बग्दादमा मृत्यु भएपछि त्यसको जवाफ स्वरुप इरानले अमेरिकी सैनिकको बेसक्याम्पमा आक्रमण गरेको थियो ।