नूनिलो खाना मनपराउने रिसाहा हुन्छन

काठमाडौ-हरेक मानिसको स्वाद लिने तथा खानपान शैली फरक हुन्छ । मानिसहरुले आफ्नो मानसिक स्थिति अनुरुप खानेकुरा खोज्दछ । हालै गरिएको एक अध्ययनले यस्तै तथ्य सार्वजनिक गरेको छ ।

मनोविदहरुका अनुसार रातको समयमा गुलियो तथा नुनिलो खाना खान मन पराउने मानिसहरुमा मानसिक कमजोरी पाइने गरेको छ ।

अध्ययनका अनुसार नुनिलो खाना धेरै मन पराउने मानिसहरुमा रिस, वितृष्णा तथा थकान पाइने गरेको छ । त्यस्ता मानिसहरु जति तनावमा भयो, त्यति नै नुनिलो खान मन पराउछन् । यसको कारण नुनिलो खाद्यान्नले तनाव उत्पन्न गराउने हर्मोन घटाउन सहयोग गर्दछ ।

अर्को एक अध्ययनले गुलियो पदार्थको सेवन गर्ने मानिसहरुमा एक्लोपनको समस्या हुने गरेको देखाएको छ । एकल आमाहरु तथा साथिहरु सँग सुमधुर सम्बन्ध नभएका मानिसहरु गुलियो धेरै सेवन गरेर आफूलाई नियन्त्रण गर्दछन् ।

गुलियो खानपानले मानिसहरुमा तनाव मथ्थर गर्न केही हदसम्म सहयोग गरे तापनि पछि गएर डीप्रेशनको समस्या समेत ल्याउने उनीहरु बताउछन् ।

विज्ञहरु भने यस्ता पदार्थहरुको अधिक प्रयोगको सट्टा नियमित काम तथा पर्याप्त निद्रामा विशेष जोड दिन सल्लाह दिन्छन् ।