राष्ट्रियसभा निर्वाचन : नेकपा १६ र राजपा २, कांग्रेस शून्य

काठमाडौं – राष्ट्रियसभा सदस्यको निर्वाचनमा सबै प्रदेशमा नेकपा गठबन्धन विजयी भएको छ।

प्रदेश २ मा नेकपा र राष्ट्रिय जनता पार्टी नेपाल राजपा बीच गठबन्धन भएको थियो। बिहीबार १८ पदका लागि भएको निर्वाचनमा नेकपाका १६ र राजपाका २ उम्मेदवार निर्वाचित भएका हुन्।

नेपाली कांग्रेसले भने ७ वटै सिट गुमाएको छ।

प्रदेशसभा सदस्यतर्फ ९९.१५ प्रतिशत मत खसेको निर्वाचन आयोगले जनाएको छ ।