धादिङ ट्रक दुर्घटना-मृत्यु हुने ७ जनाको सनाखत ( नामसहित ), ३२ घाइते

धादिङ-धादिङको निलकण्ठ नगरपालिका वडा न.ं ८ ससाह ज्यामिरेमा भएको ट्रक दुर्घटनामा ७ जनाको मृत्यु भएको छ । ३ जनाको घटनास्थलमै मृत्यु भएको हो भने ४ जनाको जिल्ला अस्पतालमा ल्याउँदै गर्दा मृत्यु भएको हो ।

मृत्यु हुनेहरुमा नीलकण्ठ नगरपालिका वडा न.ं २ भुलभुलेका तिलकबहादुर गुरुङ, पूर्णमान श्रेष्ठ, प्रेमबहादुर गुरुङ, बिदुर गुरुङ, बलबहादुर गुरुङ, सेते गुरुङ र ध्वजबहादुर गुरुङ रहेका छन् ।

दुर्घटनामा ३२ जना घाइते भएका छन् ।

घाइतेहरुमध्ये १० जनालाई हेलिकप्टरबाट र ६ जनालाई एम्बुलेन्स मार्फत काठमाडौं पठाईएको छ ।

धादिङको ज्वालामुखी गाउँपालिका ४, ढोलामण्डलीको दर्शन गरेर फर्किँदै गरेका यात्रु बोकेको ग १ ख ८०१२ नम्बरको ट्रक दुर्घटना भएको हो ।