निलम्बनमा परेका डेपुटी गभर्नर श्रेष्ठ पुनर्वहाली

काठमाडौ-नेपाल राष्ट्र बैंकका डेपुटी गभर्नर शिवराज श्रेष्ठ पुनर्वहाली भएका छन्। सरकारले उनलाई सफाइदिएपछि उनी डेपुटि गभर्नरमा पुनर्वहाली भएका हुन। उनी करिव ३० महिनामा आफ्नो कार्यालय फर्केका हुन्।

उनलाई सरकारको सिफारिसमा नेपाल राष्ट्र बैंकले अनियमितता गरेको आरोपमा छानविन गर्न कात्तिक १८ गते सोमबारदेखि निलम्बन गरेको थियो। उनलाई अर्थमन्त्रालयले आइतबार बोलाएर सफाइ पाएसँगै पुनर्वहालीको पत्र दिएको थियो।

एनसेललाई लाभांस लैजान बाटो खुल्ला गरेको,अजय सुमार्गीको रकम बैंकबाट झिक्न मद्धत गरेको,बैंकहरुको खराव कर्जा लुकाउन सहयोग गरेको, गोएमएल लागु गर्न असहयोग गरेको लगायतका विभिन्न आरोपहरु लागेको थियो। विभिन्न अनियमिततामा मुछिएपछि मन्त्रिपरिषद्ले उनीमाथि छानबिन गर्न राष्ट्र बैंकको सञ्चालक समितिलाई निर्देशन दिने निर्णय गरेको थियो।

राष्ट्र बैंक सञ्चालक समितिले एक महिनाको म्याद तोकेर कात्तिक १८ गते सञ्चालक श्रीराम पौडेलको संयोजकत्वमा तीन सदस्यीय छानविनि समिति गठन गरेको थियो। सरकारका प्रवक्ता सञ्चार मन्त्री गोकुल बाँस्कोटाले माघ २ गते मन्त्री परिषद्ले उनलाई सफाई दिएको सूचना सार्वजनिक गरेका थिए। श्रेष्ठको कुनैपनि कसुर नदेखिएपछि मन्त्रीपरिषद् बैठकले नै उनलाई सफाइ दिएको थियो।