प्रतिनिधिसभा बैठक दिउँसो १ बजे बस्ने, उपसभामुख तुम्बाहाङ्फेले राजीनामा दिने सम्भावना

काठमाडौं – प्रतिनिधिसभाको बैठक दिउँसो १ बजे बस्ने भएको छ ।

सत्तारुढ नेपाल कम्युनिष्ट पार्टी नेकपाले सभामुख उम्मेदवारको टुंगो लगाउन नसक्दा यसअघि बैठक पटकपटक अवरुद्ध हुँदै आएको थियो ।
नेकपाले हिजो सभामुखको उम्मेदवार टुंगो लगाएपछि आज बैठक बस्ने निश्चित भएको हो। आजको बैठकको पहिलो जिम्मेवारी सभामुख निर्वाचनको कार्यतालिका बनाउनु हो। सभामुख चयन प्रक्रिया ३ दिनभित्र सक्नेगरी निर्वाचन कार्यतालिका बनाउने सम्भावना रहेको संसद सचिवालयले जनाएको छ।

नेकपाले सभामुख पदका लागि स्थायी कमिटी सदस्य अग्नि सापकोटालाई उम्मेदवार बनाउने निर्णय गरेसँगै उपसभामुख डा। शिवमाया तुम्बाहाङ्फेले पनि आज राजीनामा दिने सम्भावना छ।