अवकाश हुने ३ सचिवका अनेक दाउ

काठमाडौं – गृहमन्त्रालयका सचिव प्रेमकुमार राई र अर्थमन्त्रालयका सचिव राजन खनाल २०७६ माघ २२ गते अवकाश हुँदैछन् ।
नेपाल ट्रष्टका सचिव गजेन्द्र ठाकुर पनि माघ २२ मै अवकाश हुँदैछन् ।

२०७१ माघ २२ मा सचिव बढुवा भएका तिनैजना पाँच वर्षे पदावधिका कारण अवकाश हुँदैछन् । प्रधानमन्त्री केपी शर्मा ओलीका प्रशासनिक सल्लाहकारकै भूमिकामा रहेका सचिव राईलाई अख्तियार दुरुपयोग अनुसन्धान आयोगको आयुक्त नियुक्त हुने चर्चा चल्दै आएको छ ।

हालका प्रमुख आयुक्त नविन घिमिरे २०७७ भदौ २८ मा ६५ वर्षे उमेर हदका कारण निवृत्त हुने भएकाले राईलाई हाल आयुक्त नियुक्त गरिने र उनको अवकाशपछि प्रमुख आयुक्त बनाउने योजनामा प्रधानमन्त्री ओली रहेको बताईन्छ ।

साँघु साप्ताहिकले लेखेको खबर अनुसार, यद्यपि अख्तियारका आयुक्त डा. गणेशराज जोशी घिमिरेको अवकाशपछि बरिष्ठताका आधारमा प्रमुख आयुक्तका दाबेदार हुन । घिमिरेसँगै आयुक्त नियुक्त भएपनि उनी ६ वर्षे कार्यकाल पुरा गरी २०७७ चैतमा मात्र अख्तियारबाट बिदा हुनेछन् ।

घिमिरेको अवकाशपछि प्रमुख आयुक्त भएमा सिनियरको सम्मान पनि हुने र उनको करीब ७ महिनामात्र प्रमुख आयुक्त सम्हाल्न पाउनेछन् ।

२०७५ दशैंमै मेलम्चीको खानेपानी काठमाडौंबासीका घर घरमा पुर्याउने भनी खानेपानी मन्त्री विना मगर र प्रधानमन्त्री केपी शर्मा ओलीलाई गुमराहमा पार्ने सचिव ठाकुरलाई ट्रष्टमा सरुवा गरिएको थियो ट्रष्टमा सरुवा गरिएपछि उनले बदला लिन नेपाल ट्रष्टबाट लिजमना दिइएका जग्गाहरुका बारेमा मिडियामा समाचार लिक भएको थियो ।